Hai un paciente máis na UCI. O número de persoas curadas aumenta ata as 11.625
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 1.505, 105 máis nas últimas 24 horas. Deles 921 son da área da Coruña, 70 máis, 113 da de Lugo, 3 máis, 131 da de Ourense, 17 máis, 75 da de Pontevedra, 5 máis, 139 da área de Vigo, igual que onte, 67 da de Santiago, 4 máis, e 59 da de Ferrol, 6 máis.
Do total de pacientes positivos, 6 permanecen en UCI, un máis, 55 en unidades de hospitalización, 2 menos, e 1.444 no domicilio, 106 máis. Polo de agora, en Galicia hai un total de 11.625 persoas curadas, 17 máis, rexistrándose 625 falecementos.
